„Bréf og myndir hafa verið sendar á Vegagerðina sem og mögulegar lausnir á því hvernig væri hægt að laga þetta, en allt fyrir ekkert og við siglum inn í annan vetur þar sem gestir okkar munu lenda í vandræðum á Þjóðvegi 1, margir algjörlega af óþörfu ef merkingar og upplýsingar væru betri,“ segir Ívar Ingimarsson, gistihúsaeigandi á Egilsstöðum.
Tveggja daga byggðaráðstefna hefst í fyrramálið á Breiðdalsvík. Á ráðstefnunni stendur til að kynna nýjar rannsóknir á sviðum byggðamála og reynslu af hagnýtu starfi.
Vopnfirðingum og gestum gafst í gær tækifæri til að kynna sér breytingar sem gerðar hafa verið á hjúkrunarheimilinu Sundabúð. Þær voru að nokkru leyti fjármagnaðar fyrir gjafafé úr heimabyggð.
Bæjarstjóri Seyðisfjarðarkaupstaðar og formaður Hafnasambands Íslands vilja að ríkið styðji við rafvæðingu hafna landsins. Ekki fást svör um kostnað raftengingar Seyðisfjarðarhafnar en hafnarsjóður er skuldugur.
Þorsteinn Bergsson, sauðfjárbóndi og sjálfstætt starfandi þýðandi á Unaósi í Hjaltastaðaþinghá, leiðir lista Alþýðufylkingarinnar í Norðausturkjördæmi fyrir komandi þingkosningar.
Tveir unglingspiltar gáfu sig fram á Breiðdalsvík í gærmorgun og óskuðu eftir hæli hérlendis. Mál þeirra er í höndum barnaverndaryfirvalda í Fjarðabyggð þar sem þeir eru yngri en 18 ára.
Nægt rafmagn á alla jafna að vera til staðar á Seyðisfirði þannig að hægt sé að koma upp háspennuteningum við stór skip sem þar liggja við bryggju. Ekki er þó hægt að tryggja fullt afhendingaröryggi.
Fjarðará og Lónið á Seyðisfirði hafa í morgun borið áberandi brúnan lit, eins og stundum vill verða í rigningum. Liturinn kemur úr einum læk í Suðurhlíð fjarðarins sem fellur Fjarðarána sem rennur í gegnum bæinn.
Sveitarfélögin hafa beðið mánuðum saman eftir tillögum um úthlutun þeirra fjármuna sem ætlaðir eru til ljósleiðaravæðingar landsins. Á meðan halda þau að sér höndum.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.