Austurvarp: Vá hvað ég væri til í að vera að austan!
Austfirska hljómsveitin Bloodgroup kom fram á Airwaves tónlistarhátíðinni í sjöunda sinn þegar hátíðin var haldin um síðustu helgi og spilaði alls á fernum tónleikum. Bloodgroup var stofnuð af systkinunum Ragnari, Halli og Lilju Kristínu Jónsbörnum auk Janusar Rasmussen. Lilja hætti síðan í sveitinni árið 2010 en Sunna Margrét Þórisdóttir tók við hennar stöðu.
„Ég er ekki að austan en vá, hvað ég væri til í að vera að austan," segir Sunna Margrét Þórisdóttir sem er sú eina sem ekki hefur búið á Austurlandi í lengri eða skemmri tíma.
