Íbúar lögðu hönd á plóg við að fegra bæinn
Á þriðja tug Héraðsbúa lögðu hönd á plóg við fegrun umhverfis í Fellabæ og á Egilsstöðum á samfélagsdegi á laugardag. Verkefnisstjóri segir daginn nýtast í verkefni sem annars kæmust ekki í verk.Dagurinn var nú haldinn í þriðja sinn en markmið hans er að fá íbúa til að leggja sitt af mörkum við fegrun bæjarins.
Meðal verkefna var tiltekt við Sláturhúsið og í Selskógi, stígagerð í Fellabæ og snyrting við kirkjuna þar sem kvenfélagskonur úr Bláklukku lögðu sitt af mörkum.
„Dagurinn skiptir töluverður máli fyrir þessi svæði. Þarna er ráðist í verkefni sem ekki væri hægt að vinna annars. Þetta er þannig viðbót við það sem menn komast yfir í vinnuskólanum," segir Freyr Ævarsson, verkefnisstjóri umhverfismála hjá sveitarfélaginu.
Unnið að tiltekt við Sláturhúsið. Mynd: Sigrún Hólm Þorleifsdóttir
