Top Gear myndaði á Seyðisfirði - Myndband
Tökulið á vegum hinna vinsælu bresku bílaþátta Top Gear, myndaði á Seyðisfirði í heimsókn sinni til Íslands fyrir skemmstu.Tekið var saman fjögurra mínútna myndskeið með Citroen C4 Cactus í Seyðisfirði og á Mývatnssvæðinu.
Myndbandið er tekið fyrir Top Gear tímaritið sem kemur út mánaðarlega á rafrænu formi. Bíllinn er fluttur til Íslands með Norrænu og í myndbandinu má sjá skot frá Seyðisfirði og á leið upp Fjarðarheiði.
