Reykjavíkurmaraþon á Eskifirði: Ég hleyp með
Kristjana Guðmundsdóttir, kennari á Eskifirði, ætlar að taka þátt í Reykjavíkurmaraþoninu og leggja þar með góðu málefni lið. Það væri ekki í frásögur færandi nema fyrir þær sakir að hún ætlar að hlaupa á Eskifirði.„Yndislegt að segja frá því að ég ætla að taka þátt í Reykjavíkur maraþoni en þar sem ég á ekki heimagengt til Reykjavíkur ætla ég mér að hlaupa það hér í minni heimabyggð," segir Kristjana í Facebook-stöðu sem farið hefur víða.
Hún ætlar að hlaupa 10 km leið sem hefst við sundlaugina á Eskifirði á sama tíma og maraþonið verður ræst í Reykjavík klukkan 10:00 laugardaginn 23. ágúst.
Líkt og margir hlauparar í Reykjavíkurmaraþoninu hleypur hún til styrktar góðu málefni en hún safnar áheitum fyrir Einstök börn.
Hún segist leita eftir fleiri hlaupurum í Fjarðabyggð sem hafi hug á að hlaupa með henni. „Ef þið viljið hlaupa með mér skrifið þá um leið og þið deilið statusnum ÉG HLEYP MEÐ...." skrifar hún.
Stofnaður söfnunarreikningur í Landsbankanum Reyðarfirði fyrri þá sem vilja heita á Kristjönu. Reikningsnúmerið er 0167-05-060330 og kennitalan 011271-4649.
