Haustkvöld á Héraði í kvöld: Hvetjum alla til að koma og upplifa stemninguna
Í kvöld fimmtudaginn 16. október verður haldið árlegt Haustkvöld á Héraði. Þessi viðburður hefur verið haldinn undanfarin ár að frumkvæði Þjónustusamfélagsins á Héraði. „Þátttakan í ár er mjög góð, en það er um tuttugu fyrirtæki sem taka þátt og eru með lengri opnunartíma, vörukynningar, tilboð og námskeið. Markmiðið er að búa til kósí og skemmtilega stemningu á Egilsstöðum, með kertaljósum, tónlist og almennri gleði á góðu haustkvöldi. Þetta hefur tekist mjög vel síðustu ár og við vonum að bæjarbúar verði duglegir að fara út að borða, kíkja í verslanirnar okkar og upplifa stemninguna,“ segir Magnfríður Ólöf Pétursdóttir, starfsmaður Þjónustusamfélagsins
Allar nánari upplýsingar er að finna á www.visitegilsstadir.is
