Kalt á toppnum: Prins Póló og Baggalútur gefa út jólalag
Út er komið jólalagið Kalt á toppnum en það eru Berfirðingurinn Svavar Pétur Eysteinsson, betur þekktur sem Prins Póló, og Baggalútur sem standa að útgáfu þess. Lagið sömdu þeir Svavar og Bragi Valdimar Skúlason, Baggalútur. Fyrir nokkru frumbirtu þeir lagið á nótnaformi sem vakti mikla lukku - allavega hjá þeim sem kunna að lesa nótur.En nú er það komið út á formi sem allflestir skilja og er fólk ekki í vafa um að það muni slá í gegn, rétt eins og jólalög Baggalúts hafa hingað til gert sem og tónlist Prins Póló.
Myndin sem fylgir fréttinni, fylgdi tilkynningu Baggalúts um lagið en þar er okkar eini sanni Búlandstindur, kuldalegur til toppsins, klæddur kórónu Prinsins.
Lagið má heyra Með því að smella HÉR.
Það var vefur Djúpavogs sem greindi frá.
