Litríku postularnir saman á ný: Þetta var alveg fáránlega gaman - myndir
Tríóið Litríkir postular kom saman á ný í gærkvöldi eftir 10 ára hlé og hélt tónleika á Símstöðinni á Egilsstöðum.Oft er sagt að sveitir sem koma saman á ný hafi engu gleymt en Postularnir gengust fúslega við gleymsku sinni. Þeir spiluðu í tæpan klukkutíma lög sem „þeim þykir vænt“ um en báðust síðan undan því að taka fleiri lög því þau væru gleymd.
„Við tókum ekki upp öll lögin í gamla daga, svo það gefur að skilja að það var erfitt að muna eftir þeim öllum. En eitthvað af þeim tókum við upp á“ mini-disc“ spilara þegar þeir voru í tísku. Þau lög fluttum við í gær,“ segir Hafþór Valur Guðjónsson, tónlistarmaður og meðlimur Litríku postulanna í samtali við Austurfrétt.
Tríóið starfaði um nokkurra ára skeið um miðjan tíunda áratuginn en þekktasti smellur sveitarinnar er „Bragi í lagi“ sem var á toppnum á jon.is í árdaga mp3 væðingarinnar. Lagið fékk nokkra útvarpsspilun og var meðal annars valið lélegasta lagið á útvarpsstöðinni Mono. Lagið X-B ást fór einnig víða fyrir þingkosningarnar 2003 og spilaði tríóið á kosningaskemmtunum Framsóknarflokksins í kjördæminu við misjafnar undirtektir.
Þrátt fyrir þetta fékk hljómsveitin 15.000 króna styrk frá Menningarráði Austurlands, sem styrkti menningarverkefni ungs fólks, til að gefa út geisladisk árið 2002.
„Okkur fannst þetta alveg gífurlega fyndið þegar við vorum í menntaskóla að syngja svona bull, sem gerði þetta aðeins kjánalegt í gær þegar maður er orðin þrítugur. En okkur er búið að langa að gera þetta í nokkuð mörg ár og létum loks verða af því í gær. Þetta var alveg fáránlega gaman,“ segir Hafþór Valur að lokum.
Litríku postularnir eru: Ingi Valur Valgarðsson, Guðmundir Ingvi Jónsson og Hafþór Valur Guðjónsson.
„Okkur fannst þetta alveg gífurlega fyndið þegar við vorum í menntaskóla að syngja svona bull, sem gerði þetta aðeins kjánalegt í gær þegar maður er orðin þrítugur. En okkur er búið að langa að gera þetta í nokkuð mörg ár og létum loks verða af því í gær. Þetta var alveg fáránlega gaman,“ segir Hafþór Valur að lokum.
Litríku postularnir eru: Ingi Valur Valgarðsson, Guðmundir Ingvi Jónsson og Hafþór Valur Guðjónsson.
