Íbúar Fjarðabyggðar boðnir á forsýningu á Fortitude
Tiger Aspect og Pegasus bjóða íbúum Fjarðabyggðar á forsýningu á 1. og 2. þætti af Fortitude sjónvarpsseríunni.Seríuna þarf vart að kynna en Fortitude þættirnir voru teknir upp á Austurlandi síðasta vetur, einkum á Reyðarfirði og Eskifirði. Þeir eru eitt stærsta verkefni sem breska Sky sjónvarpsstöðin hefur ráðist í á sviði leikins sjónvarpsefnis.
Sýningar verða fimmtudaginn 8. janúar í Félagslundi Reyðarfirði og verða tvær sýningar, fyrri sýningin hefst kl. 18:00 og hin síðari kl. 21:00.
Sky sjónvarpsstöðin hefur staðfest að sýningar á Fortitude fari í loftið klukkan níu miðvikudagskvöldið 29. Janúar næstkomandi. Hérlendis hefur RÚV tryggt sér sýningarrétt á þáttunum.
Sjá kynningu um þættina HÉR
