Málþing með áherslu á silfurberg í Breiðdalssetri
Næstkomandi laugardag fer fram málþing með áherslu á silfurberg í Breiðdalssetri á Breiðdalsvík. Við sama tækifæri verður sýning um silfurberg opnuð í jarðfræðisetrinu, en á sýningunni má fræðast um silfurbergsmál í heiminum, á Íslandi og á Austfjörðum sérstaklega.Málþingið hefst snemma á laugardagsmorgun og opnar húsið kl. 08:00. Leó Kristjánsson, Hjörleifur Guttormsson, Christa Maria Feucht og Kristján Jónasson verða með margvísleg erindi tengd silfurbergi og jarðfræði á Austurlandi.
Þá mun sveitarfélagið Fjarðabyggð einnig halda erindi um uppbyggingu Helgustaðanámu við Reyðarfjörð sem ferðamannastaðar. Að loknu hádegishléi verður farið í rútuferð að Helgustaðanámu og er reiknað með því að komið verði aftur á Breiðdalsvík um kl. 17:30.
Nálgast má frekari upplýsingar um málþingið og sýninguna með tölvupósti á netfangið This email address is being protected from spambots. You need JavaScript enabled to view it..
Mynd: Frá Helgustaðanámu
