Heimismenn þurfa að fresta Austurlandsreisu
Karlakórinn Heimir hefur frestað þeim tvennu tónleikum sem hann hugðist halda á Austurlandi um helgina vegna veikinda.Í tilkynningu frá kórnum frá í kvöld kemur fram að flensur og önnur óáran hafi herjað á meðlimi kórsins. „Þrír einsöngvarar af fimm hafa mátt lúta í gras auk margra almennra kórmanna.“
Kórinn ætlaði að syngja á Eskifirði og Egilsstöðum á morgun en ferðinni er nú frestað um óákveðinn tíma.
