Matvæladagur á Austurlandi
Austfirskar krásir – klasasamstarf matvælaframleiðenda, veitingastaða og mataráhugafólks á Austurlandi, blása til matvæladags á Hótel Héraði á morgun, fimmtudaginn 16. maí.Á matvæladeginum munu austfirskir matvælaframleiðendur kynna sig og sínar afurðir.
Boðið verður uppá léttar veitingar í anda fjórðungsins sem geta gefið gestum hugmyndir um notkun á austfirsku hráefni.
„Nú fer í hönd ferðamannatími þar sem matur getur og á að gegna lykilhlutverki í upplifun ferðamannsins á Austurlandi. Viðburðinum er ætlað að vekja athygli á því framboði matvæla sem í boði er á Austurlandi,“ segir í tilkynningu.
Dagskráin er sem hér segir:
16.00 – Húsið opnar
17.00 - Opnun - Eygló Björk Ólafsdóttir, formaður Austfirskra Krása
17.10 - Matur í upplifun ferðamannsins - erindi frá Nýsköpunarmiðstöð
17.30 – 19.00 - Kynning matvælaframleiðenda á Austurlandi
