Austurfrétt/Austurglugginn meðal þátttakenda í málstofu um fjölmiðla og landsbyggðir
Austurglugginn/Austurfrétt eru meðal þeirra sem eiga fulltrúa á málstofu um fjölmiðla og landsbyggðir sem haldinn verður í Hofi, Akureyri á morgun.Fjallað verður meðal annars um vægi og birtingarmyndir íbúa á landsbyggðunum í frétta- og dagskrárefni, mikilvægi staðbundinna fjölmiðla, hlutverk og skyldur almannaþjónustumiðla gagnvart dreifðum byggðum og farið yfir dæmi frá Norðurlöndum.
Viðburðurinn er haldinn af Samtökum sveitarfélaga á Norðurlandi eystra í samstarfi við Byggðastofnun, RÚV, Háskólann á Akureyri og mennta- og menningarmálaráðuneytið.
Dagskrá:
Setning - Lilja Alfreðsdóttir mennta- og menningarmálaráðherra
Horft út um glugga borgarmúrsins - Hilda Jana Gísladóttir bæjarfulltrúi og formaður stjórnar SSNE
Vandi staðbundinnar fjölmiðlunar - Birgir Guðmundsson dósent við fjölmiðlafræðideild Háskólans á Akureyri
Hvítu blettirnir í fjölmiðlun: Lærdómur frá Norðurlöndunum um stöðu staðbundinna miðla og hlutverk ríkisfjölmiðla - Elfa Ýr Gylfadóttir framkvæmdastjóri Fjölmiðlanefndar
RÚV okkar allra - Stefán Eiríksson útvarpsstjóri.
Pallborðsumræður - Gunnar Gunnarsson ritstjóri Austurfréttar/Ausutrgluggans stýrir umræðum.
Vegna sóttvarnareglna er ekki hægt að hafa salinn í Hofi opinn almenningi en hægt verður að fylgjast með málstofunni í beinni útsendingu á YouTube. Upptaka verður einnig aðgengileg þar eftir á. Fundurinn hefst klukkan 9:00 og gert er ráð fyrir að honum ljúki um 10:30.
