Dugnaðarforkar úr Hallormsstaðarskóla verðlaunaðir
Þórólfur Sigjónsson og Guðný Vésteinsdóttir, foreldrar barna í Hallormsstaðarskóla, fengu Dugnaðarforkaverðlaun Heimilis og skóla sem afhent voru á aðalfundi samtakanna í Reykjavík í gær. Þórólfur og Guðný fá verðlaunin fyrir sjálfboðaliðastarf á tímum fjárskorts og öfluga og virka þátttöku í skólastarfinu.Þórólfur þjálfaði til dæmis lið skólans í Skólahreysti sem náði athyglisverðum árangri þegar skólinn, sem hefur um 50 nemendur, vann Austurlandsriðilinn. Guðný hefur verið sérlega virk í íþróttastarfi á vegum UMF Þristar fyrir utan að baka fjölda skógarlumma sem börn og foreldrar á Hallormsstað hafa notið síðustu ár.
