Eiríkur Hauks snýr heim til Norðfjarðar á Eistnaflug
Rauðhærði rokkarinn Eiríkur Hauksson verður aðalgestur
þungarokkshátíðarinnar Eistnaflug sem haldin verður á Norðfirði aðra
helgina í júlí.
Nokuð er síðan Eiríkur, sem ólst upp á Norðfirði, spilaði þar seinast. Hann hefur undanfarin ár verið búsettur í Noregi en hefur komið fram tvisvar fyrir Íslands hönd í Söngvakeppni evrópskra sjónvarpsstöðva, seinast með laginu Valentine‘s Lost árið 2008.
Hljóðfæraleikarar hans að þessu sinni koma úr Ham, Innvortis og Skálmöld. Seinasta sveitin verður einnig á hátíðinni en nýútkomin plata hennar hefur fengið frábær dóma.
Í gær var tilkynnt um tíu sveitir sem spila munu í hátíðinni í Egilsbúð 7. – 9. júlí í sumar en tvær höfðu áður verið staðfestar. Meðal þeirra hinir austfirsku Trassar með upprunalega trommaranum, Jónasi Sigurðssyni en sólóplata hans, Allt er eitthvað, þykir meðal bestu platna ársins.
Sveitirnar tólf eru:
ASK THE SLAVE
ATRUM
BENEATH
EIRÍKUR HAUKSSON
MOMENTUM
OFFERINGS
SECRETS OF THE MOON
S.H. DRAUMUR
SKÁLMÖLD
SÓLSTAFIR
THE MONOLITH DEATHCULT
TRASSAR
