Ferðaþjónustuaðilar halda haustfund á Breiðdalsvík
Lífið • This email address is being protected from spambots. You need JavaScript enabled to view it. • Fyrst birt 07. nóv 2022 14:32 • Uppfært 07. nóv 2022 14:41
Ferðaþjónustuaðilar á Austurlandi hittast á haustfundi á Hótel Breiðdalsvík á fimmtudag sem er þeirra uppskeruhátíð eftir sumarið.
Austurbrú heldur utan um daginn sem hefst á vísinda- og vinnustofuferð á leiðinni á Breiðdalsvík þangað sem komið verður um hádegið.
Hinn eiginlegi haustfundur hefst eftir hádegið með fræðsluerindum um ferðaþjónustu. Meðal fyrirlesara verða Eyþór Guðjónsson frá Sky Lagoon, Berglind Einarsdóttir frá Adventura á Djúpavogi og Maciej Pietruńko frá Arctic Fun á Djúpavogi.
Að fundinum loknum verður kvöldmatur og skemmtun. Dagurinn er ætlaður hvort sem er stjórnendum eða starfsfólki um ferðaþjónustu eða áhugasömu fólki um greinina en frestur til að skrá sig á daginn rennur út í dag.
Skráning, sem og móttaka tilnefninga fyrir verðlaun austfirskrar ferðaþjónustu, Klettinn og Frumkvöðulinn, er hjá Austurbrú.
