Fimm Austfirðingar í framboði í stúdentaráðskosningum
Fimm Austfirðingar eru á framboðslistum til stúdentaráðs Háskóla Íslands en kosið er í dag og á morgun. Austfirðingarnir eru allir á lista Röskvu.
Melkorka Mjöll Jóhannesdóttir frá Fáskrúðsfirði er eini Austfirðingurinn í framboði sem aðalmaður en hún skipar fjórða sætið á lista verkfræði- og náttúruvísindasviðs.
Tveir Norðfirðingar, Hrönn Hilmarsdóttir og Anna Margrét Arnarsdóttir eru varamenn á lista heilbrigðisvísindasviðs.
Þriðji Norðfirðingurinn, Guðjón Björn Guðbjartsson er varamaður á félagsvísindasviði. Þar er einnig Héraðsbúinn María Hjarðar.
Kosið er á milli klukkan 9-18 í dag rafrænt á innri vef Háskólans. Tvær hreyfingar leggja fram framboðslista, Röskva og Vaka.
