Fjórir leikmenn Þróttar á leið í heimabæ jólasveinsins
Fjórir leikmenn Þróttar Neskaupstað eru í U-19 ára landsliðunum í blaki sem í morgun halda til Finnlands til þátttöku í Norðurlandamóti. Birna Jóna Sverrisdóttir setti tvö Íslandsmest í sleggjukasti í gær.Ester Rún Jónsdóttir er ein í stúlknaliðinu en þeir Börkur Marinósson, Ísak Tandri Zoega og Egill Kolka Hlöðversson í strákaliðinu.
Spilað verður í Rovaniemi í Lapplandi, sem sagður er heimabær jólasveinsins eins og hótel liðanna, Santasport, ber vott um. Hópurinn fór frá Íslandi í morgun og framundan er sólarhrings ferð, þar sem farið verður með næturlest frá Helsinki norður til Rovaniemi. Mótið hefst þar á föstudagsmorgunn.
Fleiri ungir austfirskir íþróttamenn hafa náð eftirtektarverðum árangri síðustu daga.
Bjartur Blær Hjaltason, Hetti, er í blönduðu landsliði unglinga sem keppir á Evrópumótinu í hópfimleikum. Mótið verður haldið í Guimaraes í Portúgal í byrjun desember.
Birna Jóna Sverrisdóttir, sleggjukastari úr Hetti, setti tvö Íslandsmet í gær. Hún kastaði 3kg sleggju 42,7 metra og bætti þar með eigið Íslandsmet. Hún fylgdi því eftir með að tvíbæta 12 ára gamalt Íslandsmet með 4 kg sleggju. Hún kastaði henni fyrst 35,42 metra og síðan 36,1 metra.
Birnu Jónu hefur vegnað vel á árinu, því hún komst nýverið í úrvalshóp Frjálsíþróttasambandsins. Þá var hún í sumar valin til æfinga með U-14 ára landsúrvali í körfuknattleik.
