Fljótsdalshérað lækkar gjaldskrár
Á fundi bæjarstjórnar Fljótsdalshéraðs um miðjan mánuð var samþykkt samhljóða tillaga umhverfis- og héraðsnefndar um að gjaldskrá vegna sorphirðu og sorpeyðingar verði lækkuð um 3,03% og verði 19.600 krónur árið 2010. Þá samþykkti bæjarstjórn á sama fundi reglur um afslátt af fasteignaskatti til tekjulágra elli- og örorkulífeyrisþega árið 2010.
Í
bókun bæjarstjórnar vegna sorphirðugjalda kemur fram að þessi möguleiki
til lækkunar nú skapist vegna aukinnar sorpflokkunar frá heimilum og þess að
hagstæðir samningar náðust um sorphirðu sveitarfélagsins í kjölfar útboðs á
þjónustunni fyrr á árinu. Þá kemur jafnframt fram í bókuninni að bæjarstjórn
vill nota tækifærið og þakka íbúum góð viðbrögð og samstarf við þetta verkefni.
Nýjar viðmiðunartölur vegna afsláttar af fasteignaskatti til
tekjulágra elli- og örorkulífeyrisþega árið 2010 verða sem hér segir:
Hámarksafsláttur verði 47.000 kr.
Lágmarksviðmiðun einstaklings verði 1.945.000 kr
Hámarksviðmiðun einstaklings verði 2.553.000 kr
Lágmarksviðmiðun hjóna verði 2.736.000 kr
Hámarksviðmiðun hjóna verði 3.466.000 kr
Sækja þarf um þennan afslátt til sveitarfélagsins og senda með
umsókninni afrit af skattframtali vegna tekjuársins 2009.
Vildarvinir
Austurfrétt birtir fréttir að austan alla virka daga, öllum aðgengilegar og reiðir sig á auglýsingatekjur og styrki frá lesendum sínum til að halda úti þjónustunni.
Hvers virði finnst þér að hafa aðgang að fréttaþjónustu á borð við þessa?
Smelltu hér ef þú vilt styrkja Austurfrétt.
