Góð veiði í Selfljóti og Gilsá
Lífið • This email address is being protected from spambots. You need JavaScript enabled to view it. • Fyrst birt 21. ágú 2009 10:41 • Uppfært 08. jan 2016 19:20
Um miðjan ágúst höfðu rúmlega 180 veiðst í Selfljóti og Gilsá samkvæmt innkomnum veiðiskýrslum. Eru það 45 laxar, 86 bleikjur og 50 urriðar.
Athygli vekur að hlutur laxa í aflanum er meiri en undanfarin ár og hefur næstum náð þeirri tölu sem stundum hefur verið ársveiðin á laxi fyrri ár.
Forsvarsmenn Veiðifélags Selfljóts segja að nú fari í hönd fengsælasta veiðitímabilið í Selfljótinu. Vaxandi eftirspurn sé á veiðileyfum fyrir útlendinga og hafi tveir hópar pantað nokkra daga hvor veiðileyfi í Selfljótinu. Veiðimönnum er bent á að tryggja sér veiðileyfi sem fyrst. Veiðitímabilinu líkur 20 september.
