Hrapalleg mistök í Gettu betur
Davíð Þór Jónssyni, tengdasyni Fljótsdalshéraðs og dómara í Gettu betur, urðu á hrapalleg mistök í úrslitakeppninni í kvöld.
Í seinustu spurningunni, þríþrautunni, var spurt um Skriðuklaustur, heimili Gunnars Gunnarssonar skálds og í hvaða sveitarfélagi það væri. Hvorugt liðanna, MH né MR sem vann, svöruðu rétt. Davíð Þór sagði rétt svar vera að Skriðuklaustur væri í sveitarfélaginu Fljótsdalshéraði en rétt er að það er í Fljótsdalshrepp.„Þetta er synd og skömm,“ sagði Ingi Valur Valgarðsson, íbúi í Fljótsdal. Reikna má með kröftugum mótmælum Fljótsdælinga vegna málsins, sem lýstu vonbrigðum sínum með fáfræði dómarans í samtali við Austurgluggann í kvöld.
