Kona fékk í sig byssukúlubrot
Lífið • This email address is being protected from spambots. You need JavaScript enabled to view it. • Fyrst birt 19. ágú 2009 16:00 • Uppfært 08. jan 2016 19:20
Kona sem var á ferð með hreindýraskyttum á Fljótsdalsheiði í gær fékk í sig brot úr byssukúlu sem endurkastaðist af grjóti. RÚV greinir frá þessu. Segir að slysið hafi orðið um hádegisbil í gær nálægt Bessastaðavötnum á Fljótsdalsheiði.
Einn samferðamanna konunnar skaut á hreindýrskálf en koparflís úr einni byssukúlunni skaust í læri konunnar. Hún hélt í fyrstu að um steinflís væri að ræða og gekk nokkra kílómetra ásamt veiðifélögum sínum niður að bíl þeirra. Konan fór til læknis á Egilsstöðum og þá kom í ljós að um brot úr byssukúlu var að ræða. Lögreglan mun taka skýrslu vegna slyssins eftir hádegi í dag. www.ruv.is.
