Líf og fjör á Tæknidegi fjölskyldunnar: Myndir
Fjöldi gesta sótti Tæknidag fjölskyldunnar sem haldinn var í Verkmenntaskóla Austurlands fyrir skemmstu. Markmið dagsins var að vekja athygli á tæknigreinum, vísindum og iðnaði í nærumhverfinu.
Meðal þess sem var fyrir augu var krufning á mink sem Þórður Júlíusson, skólameistari VA, stýrði. Gestum leist misvel á blóðið sem þar rann en Þórður gekk þó ekki alla leið í krufningunni.
Fjölmörg stór fyrirtæki voru með sýningarbása og fyrirlestrar og sýningar frá nemendum og kennurum Verkmenntaskólans.
Fjöldi gesta lagði leið sína í Verkmenntaskólann þennan dag, þeirra á meðal ljósmyndari Austurfréttar.
