Ljósin slökkt á Seyðisfirði fyrir afturgöngu

Slökkt verður á ljósunum á Seyðisfirði á föstudagskvöld áður en afturganga leggur af stað um bæinn. Viðburðurinn er hluti af Dögum myrkurs á Austurlandi.

Slökkt verður á götulýsingunni auk þess sem íbúar eru hvattur til að myrkva hús sín klukkan 18:00.

Eina upplýsta húsið verður Vjelsmiðja Jóhanns Hanssonar. Þar safnast fólk saman og leggur af stað með ljóstýru að Hótel Öldunni þar sem tekið á verður á móti hópnum um klukkan hálf átta með veitingum og jafnvel fleiru.

Göngufólk er hvatt til þess að koma með luktir, blys, kyndla, höfuðljós eða einhverja ljóstýru með sér í gönguna.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar