Málstofa um heimagrafreiti
Lífið • This email address is being protected from spambots. You need JavaScript enabled to view it. • Fyrst birt 19. okt 2021 12:49 • Uppfært 19. okt 2021 12:51
Dr. Hjalti Hugason, prófessor í kirkjusögu við Háskóla Íslands, flytur erindi um heimagrafreiti í Kirkjuselinu í Fellabæ í dag.
Hjalti fjallar þar um Fjallað verður um þær miklu vinsældir sem heimagrafreitir nutu á tímabilinu 1880–1960, ekki síst á Austurlandi, þar sem mikinn fjölda þeirra er að finna.
Sagt verður frá upphafi siðarins, útbreiðslu hans, ástæðum þess að grafreitir voru stofnaðir sem og hvernig kirkjan brást við nýbreytninni sem í grafreitunum fólst. Umræður verða eftir erindi Hjalta.
Málstofan er samstarfsverkefni Héraðsskjalasafns Austfirðinga og Þjóðkirkjusafnaða í Egilsstaðaprestakalli.
Málstofan hefst klukkan 17:00. Málstofustjóri verður Stefán Bogi Sveinsson.
