Miðasala hafin á Eistnaflug
Miðasala á rokkhátíðina Eistnaflug, sem fram fer í Neskaupstað 12. – 14. júlí í sumar, hófst í morgun. Búið er að staðfesta 42 hljómsveitir í ár, þar af tvær erlendar.
Hátíðin, sem fyrst var haldin árið 2005, hefur nú fest sig í sessi hjá mörgum íslenskum rokkáhugamönnum. Meðal stærstu númeranna í ár verða hljómsveitir á borð við Skálmöld, Sólstafi, I Adapt og Mínus.
Þótt áhersla hátíðarinnar sé á þungarokk og metal má einnig finna þar sveitir sem spila hefðbundnari rokktónlist eins og Hljómsveitin Ég, Vicky og Hellvar.
Miðasala fer fram á midi.is.
