Myndir úr heimsókn til Gravelines
Opnuð hefur verið ljósmyndasýning á safninu Fransmenn á Íslandi með myndum frá heimsókn hóps Íslendinga til vinabæjar Fáskrúðsfjarðar til Gravelines í Norður-Frakklandi. Árlega er haldin vegleg bæjarhátíð í Gravelines, Íslendingahátíðin, þar er minnst sjósóknar bæjarbúa á Íslandsstrendur á árum áður. Um þessar mundir eru tuttugu ár frá því stofnað var til vinabæjarsamstarfsins, allar götur síðan hefur það blómstrað og vaxið ár frá ári. Hugmyndir um að auka enn frekar samstarfið með ýmsu móti.
Meðal þess sem gert var er að farið var í hópsiglingu út á Atlantshafið, þar var blómsveigur settur í hafið til að minnast þeirra fjölmörgu sjómanna sem fórust við Ísland. Hátíðin er bæði fjölbreytt og vel sótt, að sögn báru Frakkarnir Íslendingana á höndum sér. Aðgangur á ljósmyndasýninguna er ókeypis og allir velkomnir
