Úrkomumet á Desjarmýri
Úrkomumet var sett á Desjarmýri í Borgarfirði í morgun. Þar mældust sólarhringsúrkoman 151,4 mm klukkan níu í gærmorgun. Það er það mesta sem mælst hefur þar síðan úrkomustöð var sett upp árið 1998. Gamla metið var sett í ágúst 2001 þegar 132 mm mældust.
Mikið hefur rignt á Austfjörðum seinustu daga þótt ekki hafi fleiri úrkomumet verið slegin, að því er fram kemur á vef Veðurstofunnar. Á Dalartanga mældist sólarhringsúrkoman 138,2 mm í gærmorgun sem er fjórða hæsta gildi síðan mælingar hófust árið 1949. Hæsta gildið var 200 mm í október 1983.
Á sjálfvirkri stöð í Fáskrúðsfirði mældust 102 mm 91,3 og 85,9 mm á stöðvunum í Neskaupstað, annaðri sjálfvirkri en hinni ómannaðri.
Samkvæmt sjálfvirkum veðurstöðvum rigndi samfleytt í tuttugu klukkustundir, frá hádegi á þriðjudag til rúmlega níu í gærmorgun.
