Þórður Vilberg vill þriðja sætið
Þórður Vilberg Guðmundsson hefur ákveðið að gefa kost á sér í þriðja sæti lista Sjálfstæðisflokksins í Fjarðabyggð fyrir sveitarstjórnarkosningarnar í vor.
Þórður er 23 ára gamall kennaranemi og starfsmaður Veiðiflugunnar á Reyðarfirði. Hann hefur undanfarinn misseri sinnt háskólanámi í Reykjavík og á Akureyri, en auk þess unnið ýmis störf með námi aðallega verslunarstörf en einnig var hann leiðbeinandi við leikskólann Lyngholt á Reyðarfirði veturinn 2006 - 2007.Þórður sat í 6.sæti á framboðslista Sjálfstæðisflokksins í Fjarðabyggð fyrir sveitastjórnarkosningarnar 2006, þar sem flokkurinn náði þremur fulltrúum í sveitarstjórn. Þórður sat í menningarnefnd Fjarðabyggðar fyrir Sjálfstæðisflokkinn 2006-2008.
Þórður er formaður Hávarrs, FUS. í Fjarðabyggð og varaformaður Sjálfstæðisfélags Reyðarfjarðar. Hann hefur þrátt fyrir ungan aldur sinnt fjölmörgum trúnaðarstörfum fyrir Sjálfstæðisflokkinn, var formaður fulltrúaráðs Sjálfstæðisfélaganna í Fjarðabyggðar 2007-2009 og átti sæti í varastjórn SUS 2005-2009. Þá er Þórður formaður Leikfélags Reyðarfjarðar.
Í yfirlýsingu segir Þórður nauðsynlegt að leita allra leiða til hagræðingar í stjórnkerfi sveitarfélagsins eftir áralanga setu vinstrimanna, en um leið að standa vörð um grunnþjónustu sveitarfélagsins svo sem menntamál og félagslega þjónustu. Auk þess hefur hann mikinn áhuga á íþróttum og telur að bjóða verði börnum upp á fjölbreytt val á sviði íþrótta og tómstunda. Þórður telur að sveitarfélagið Fjarðabyggð hafi upp á margt að bjóða hvað varðar afþreyingu og menningu og vill stórbæta markaðssetningu þessara þátta og koma Fjarðabyggð á kortið sem fyrsta valkost ferðamanna sem ferðast um Austurland.
Póstkönnun, um uppstillinguna, fer fram meðal flokksmanna í Fjarðabyggð í byrjun febrúar.
Vildarvinir
Austurfrétt birtir fréttir að austan alla virka daga, öllum aðgengilegar og reiðir sig á auglýsingatekjur og styrki frá lesendum sínum til að halda úti þjónustunni.
Hvers virði finnst þér að hafa aðgang að fréttaþjónustu á borð við þessa?
Smelltu hér ef þú vilt styrkja Austurfrétt.
