Safnað fyrir Maleeraq og fjölskyldu
Hrundið hefur verið af stað söfnum til styrktar Maleeraq Jacobsen sem glímt hefur við krabbamein á árinu.
Maleeraq, sem er fædd á Grænlandi en búið hefur í Fellabæ undanfarin ár, hefur verið í lyfjagjöfum og geislameðferð meiri hluta ársins. Meðferðin hefur ekki gengið sem skyldi og gengið verulega á þrótt Maleraq.
Eiginmaður hennar, Sigvarður Örn Einarsson, hefur verið mikið hjá henni á Landsspítalanum en margra mánaða veikindi hafa reynst fjölskyldunni fjárhagslega erfið en í henni eru fjögur börn.
Vinir og aðstandendur hafa því hrundið af stað söfnun til styrktar fjölskyldunni og er til staðar reikningur á nafni Drífu, systur Sigvarðar, í Landsbankanum Egilsstöðum. Reikningsnúmerið er 0175-05-070206 og kennitalan 020579-3239.
Nánari upplýsingar má fá á Facebook-síðu sem stofnuð var samhliða söfnuninni.
