Silfurberg: Mikilvægasta framlag Íslands til umheimsins?

Höfundur: Gunnar Gunnarsson • Skrifað: .

breiddalsvik.jpgErindi eftir Leó Kristjánsson um silfurberg á Austurlandi, notkun þess og mikilvægi á heimsvísu verður flutt í Breiðdalssetri á Breiðdalsvík föstudaginn 29. apríl kl. 12:15.

Leó Kristjánsson er jarðeðlisfræðingur við Jarðvísindastofnun Háskóla Íslands. Á síðastliðnum sextán árum hefur hann meðal annars unnið að öflun gagna um notkun silfurbergskristalla í vísindum, einkum á tímabilinu 1780-1930.

Rannsóknir á þessum kristöllum, sem fram til 1900, eða lengur,  komu í flestum tilvikum frá Helgustöðum í Reyðarfirði, höfðu mikil áhrif á þróun ljósfræði og juku skilning á eðli efnisheimsins.  Enn meiri urðu áhrif svonefndra Nicol-prisma úr silfurberginu, sem notuð voru í sérhæfð ljóstæki til fjölbreytilegra rannsókna á mörgum sviðum raunvísinda. Óhætt er að segja, að íslenska silfurbergið hafi flýtt ýmsum mikilvægum tækniframförum mannkyns um áratugi.

Erindið er í senn sagnfræðilegt og jarðfræðilegt og er opið öllum. Boðið verður upp á súpu.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar