Skipasmiðir þyrptust í Hamar
Í tilefni af sjómannadeginum, þá bauð vélsmiðjan Hamar ehf. á Eskifirði, krökkum að koma og smíða báta á verkstæði fyrirtækisins á Eskifirði sem er eitt af fimm vélsmiðjum sem Hamar ehf rekur um landið. Um 30 krakkar komu og margir bátar voru smíðaðir. Margir góðir skipasmiðir voru í hópnum og örugglega verðandi sjómenn og útgerðarmenn.
Oft var vandi að sjá hvort krakkarnir eða foreldrarnir skemmtu sér betur og mikill áhugi skein úr andlitum. Afraksturinn voru stálbátar - „fiski-kútterar“ með trédekki og seglabúnaði Egersund netagerð. Á Eskifirði er heimahöfn uppsjávarveiðiskipanna Aðalsteins Jónssonar SU 11 og Jóns Kjartanssonar SU 111 sem eru með stærri skipum flotans, auk þess sem skip Brims eru reglulegir gestir í höfninni og annarra útgerða. Mikið líf er í höfninni í hverri viku og fyrirmynd krakkana tengdar sjónum og þjónustu við sjávarútveginn.
Mynd: Skipasmiðurinn Krystian með bátinn sinn.
Myndataka: Steinn Hrútur.
