Staðbundið háskólanám verði á Egilsstöðum
Lífið • This email address is being protected from spambots. You need JavaScript enabled to view it. • Fyrst birt 09. sep 2009 09:41 • Uppfært 08. jan 2016 19:20
Fulltrúar stjórnar Þekkingarnets Austurlands, ásamt framkvæmdastjóra, funduðu með bæjarráði Fljótsdalshéraðs fyrir skömmu varðandi stuðning ÞNA við uppbyggingu staðbundins háskólanáms á Egilsstöðum. Niðurstaða fundarins var að þessir aðilar samþykktu að vinna formlega saman að verkefninu.
Bæjarstjórn Fljótsdalshéraðs bókaði á fundi sínum í byrjun mánaðarins að hún fagnaði því að Þekkingarnet Austurlands ætlar að vinna með sveitarfélaginu að því að koma á staðbundnu háskólanámi á Egilsstöðum. Jafnframt minnti bæjarstjórn á mikilvægi þess fyrir samfélagið á Héraði og Austurland allt að hægt verði að stunda háskólanám og vinna að rannsóknarverkefnum innan svæðisins.
