Stefna í málefnum nýrra íbúa á Fljótsdalshéraði
Bæjarstjórn Fljótsdalshéraðs samþykkti í vikunni stefnu í málefnum nýrra íbúa.
Stefnan er að mestu leyti byggð á riti sem SSA gaf út í byrjun ársins 2007 og nefnist ,,Svona gerum við, leiðir að fjölmenningarlegu samfélagi á Austurlandi". Ritið varð ákveðin fyrirmynd að stefnumótun í þessum málum bæði hjá ríki og sveitarfélögum.
Stefnan var kynnt á aðalfundi SSA á Seyðisfirði í lok síðasta mánaðar og því beint til sveitarstjórna á svæðinu að þær tækju hana upp óbreytta eða aðlagaða að aðstæðum hvers sveitarfélags fyrir sig. Stefnuna má finna í heild sinni á heimasíðu Fljótsdalshéraðs.
Stefnan var unnin af Kristínu Þyri Þorsteinsdóttur félagsmálastjóra og Sigríði H. Pálsdóttur móttökufulltrúa sveitarfélagsins auk fleira fólks, að frumkvæði eftirfylgniteymis Sambands sveitarfélaga á Austurlandi.
