Þjófstarta Frönskum dögum á Fáskrúðsfirði
Ein allra þekktasta bæjarhátíð Austurlands, Franskir dagar á Fáskrúðsfirði, hefst í kvöld með sérstöku þjófstarti en næstu dagana er þétt og metnaðarfull dagskrá í bænum.
Þjófstartið sem hér um ræðir er pöbbkviss í Skrúð í kvöld en hin formlega dagskrá þessarar hátíðar til minningar um þá frönsku sjómenn sem stunduðu útgerð frá Fáskrúðsfirði, hefst klukkan 16 á morgun með hjólreiðakeppninni Tour de Fáskrúðsfjörður. Þegar líður að kvöld verður setningarathöfnin og hin vinsæla Kenderísganga og lofa skipuleggjendur sérstökum leynigesti þegar líða fer á kvöldið.
Fjölmargir viðburðir taka svo við fram á sunnudag. Brekkutónleikarnir á föstudagskvöldinu og á hátíðinni koma meðal annarra fram tónlistarfólkið Ragnheiður Gröndal og Páll Óskar. Helgistund og minningarathöfn að venju upp úr hádegi á laugardeginum og síðar þann dag fjölbreytt fjölskylduhátíð á Skólavegi.
Dagskrána í heild sinni má sjá hér.
