Vefmyndavél í Kverkfjöllum
Skipt hefur verið um vefmyndavél við Hveradal í Kverkfjöllum. Nú er komin víðari mynd af Galtarlóni (lónið í botni Hveradals) auk þess sem hverasvæðið sjálft sést betur.
Niðri í hægra horninu sést mjög virkur leirhver sem eys leir yfir stórt svæði. Hverinn hefur verið mjög virkur upp á síðkastið með tilheyrandi leirgosum (frussi).
Þá hefur annarri linsu verið beint yfir Dyngjufjöll, Herðubreið og Upptyppinga. Sjá má myndir úr vélinni með að smella hér.
Veðurstöðin gengur svo sinn vanagang og skrásetur upplýsingar um veðurfar sem verða svo nýttar til að bæta veðurspárlíkön fyrir Kverkfjöll.
