Gæðingar hamra ísinn
Laugardaginn 21. febrúar fer fram hið árlega Ístölt Austurland við Egilsstaði á Fljótsdalshéraði. Þar verður að venju keppt um Ormsbikarinn eftirsótta, sem mótshaldarar segja einn eftirsóttasta verðlaunagrip landsins.
Allar fréttir
Ekki missa af Austurglugganum!
Nýr Austurgluggi kom út í dag.
Í blaði þessarar viku er meðal annars fjallað um framtíðaráform varðandi fullvinnslu matvæla á Breiðdalsvík, hugmyndir um safn tileinkað kommunum í Neskaupstað, sóknarhug í ferðaþjónustu á Borgarfirði eystra, veitingu Þorrans 2009 og ýmislegt sem er í deiglunni hjá Fljótsdalshreppi. Hjörleifur Guttormsson skrifar um Drekasvæðið og fyrirhugaða olíuvinnslu. Helgi Hallgrímsson skrifar samfélagsspegil blaðsins að þessu sinni og er á heimspekilegum og jafnvel stjarnfræðilegum nótum. Matgæðingurinn er á sínum stað með lystilegar og meinhollar uppskriftir.
Austurglugginn fæst á öllum betri blaðsölustöðum á Austurlandi. Áskriftarsími er 477-1571.
Uppsagnir lækna ekki í samráði við trúnaðarlækni né Læknafélag Austurlands
Samningamál lækna Heilbrigðisstofnunar Austurlands eru nú til meðferðar hjá Læknafélagi Austurlands. HSA sagði öllum læknum innan stofnunarinnar upp störfum um síðustu áramót og boðaði endurráðningu með breytingum á vaktafyrirkomulagi. Læknum hefur ekki verið kynnt hverjar breytingar eiga nákvæmlega að verða á samningum þeirra, en stefnt hafði verið að því að það lægi fyrir 1. febrúar.Íþróttabrölt á Stöðvarfirði
Nú eru nemendur í 7. til 10. bekk grunnskóla Fjarðabyggðar önnum kafnir á sameiginlegri íþróttahátíð á Stöðvarfirði. Keppt er í óhefðbundnum íþróttagreinum af ýmsu tagi og á að enda hátíðina á flatbökuveislu nú í hádeginu. Keppni hófst snemma í morgun og stefnt á að allir verði komnir til síns heima um klukkan tvö í dag.
Almenningi gefst kostur á að kynnast starfsemi Þróunarfélagsins
Þróunarfélag Austurlands mun standa fyrir opnum kynningarfundum á starfsemi félagsins á árinu 2009, þar sem fólki gefst tækifæri til að koma og kynna sér starfsemi félagsins og Vaxtarsamnings Austurlands.
Fyrsti kynningarfundurinn verður á morgun, fimmtudag, á Fjarðahóteli Reyðarfirði og hefst hann klukkan átta annað kvöld.
Vakin er athygli á að á vef Þróunarfélagsins eru nú vikulega birtar upplýsingar undir formerkjum Verkefnis í nærmynd: www.austur.is.
Jóna Guðlaug kjörin íþróttamaður Þróttar
Jóna Guðlaug Vigfúsdóttir var valin íþróttamaður Þróttar fyrir árið 2008 í vikunni. Hún átti frábært tímabili 2007-2008 með blakdeild Þróttar Neskaupstað en þær unnu þrefalt; urðu deildar-, bikar- og Íslandsmeistarar kvenna.
AFL í fundaherferð og vinnustaðakynningar
Formaður AFLs Starfsgreinafélags, Hjördís Þóra Sigurþórsdóttir, hefur í dag mikla fundaferð um félagssvæði AFLs. Áformuð eru tugir funda og heimsókna á vinnustaði auk almennra félagsfunda á flestum þéttbýlisstöðum félagssvæðisins. Framkvæmdastjóri AFLs, Sverrir Mar Albertsson, verður frummælandi á fundunum ásamt Hjördísi.
