Frá velsæld til vesældar
Þórólfur Matthíasson hagfræðiprófessor skrifar um efnahagsleg áhrif stórframkvæmdanna á Austurlandi:
Allar fréttir
Æskan á óvissutímum
Á fimmtudag verður efnt til ráðstefnunnar Æskan á óvissutímum. Að henni stendur Ungmenna- og íþróttasamband Austurlands, UÍA og er ætlunin að fjalla um íþrótta- og ungmennastarf á tímum þjóðfélagskreppu. Margt er góðra framsögumanna og rýnt verður í hvernig samfélagið getur stutt sem best við börn og unglinga. Að ráðstefnunni koma, auk UÍA, UMFÍ, Æskulýðsráð, Bandalag íslenskra skáta, KFUM og KFUK, menntamálaráðuneyti og Fljótsdalshérað. Allir eru velkomnir.
Fimm austfirskar konur fengu styrki til atvinnuuppbyggingar
Jóhanna Sigurðardóttir, félags- og tryggingamálaráðherra, afhenti hinn 24. nóvember síðastliðinn styrki til atvinnumála kvenna við athöfn sem fór fram í Þjóðmenningarhúsinu. Fimmtíu milljónir króna voru til úthlutunar að þessu sinni og voru veittir 56 styrkir að þessu sinni. Umsóknir sem bárust voru 246 talsins hvaðanæva af landinu. Fimm austfirskar konur hlutu styrk.
Hér er fólk við hungurmörk
Níunda október árið 1917 var bókað í gjörðabók dýrtíðarnefndar í Reykjavík að vegna verðþaks, sem sett hafði verið á kartöflur þar um slóðir, hyggðust kaupmenn senda kartöflubirgðir sínar með skipinu Sterling til Austfjarða og selja þær þar. Fyrir austan væri nefnilega ekkert hámarksverð á kartöflum.Viðræður við Launanefnd sveitarfélaga þokast áfram
Fyrsti fundur í samninganefnd AFLs við launanefnd sveitarfélaga var haldinn s.l þriðjudag en eins og kunnugt er þá fer AFL með samningsumboð í viðræðunum við sveitarfélögin á félagssvæðinu. Fundað var aftur í gær og segir Sverrir Mar Albertsson, framkvæmdastjóri AFLs að nokkuð hafi þokast.
Kyrrlátt á höfninni
Þegar Austurglugginn var á ferðinni á Eskifirði í kvöld var kyrrlátt yfir smábátahöfninni. Þrír fiskimenn sprokuðu saman á bryggjunni eftir að hafa hugað að bátum sínum. Einhverjir ætluðu til veiða í nótt sögðu þeir, en annars væri tíðindalítið af sjósókninni.
Bókavaka Safnahússins á fimmtudag
Árleg bókavaka Safnahússins á Egilsstöðum verður næstkomandi fimmtudagskvöld og hefst kl. 20. Fimm Austfirðingar lesa þar úr ritum sínum, nýútgefnum.
