Jóna Guðlaug og María Rún í gullhópnum
María Rún Karlsdóttir og Jóna Guðlaug Vigfúsdóttir voru í íslenska landsliðshópnum sem fór með sigur af hólmi á Evrópumóti smáþjóða í blaki. Jóna Guðlaug átti sérlega góða daga á mótinu.
Þegar uppi var staðið var Jóna Guðlaug valin mikilvægasti leikmaður mótsins auk þess að komast í draumalið þess.
Íslenska liðið byrjað á tapi gegn Skotum enn vann síðan Færeyjar, Lúxemborg og loks Kýpur nokkuð örugglega. Fyrir mótið var stefnan hjá íslenska liðinu sett á verðlaunasæti.
María Rún átti frábæran leik gegn Færeyjum og var besti maður vallarins samkvæmt tölfræði leiksins en Jóna Guðlaug skoraði flest stig með smössum.
Jóna var síðan stigahæst á vellinum gegn Lúxemborg og stigahæst íslenska liðsins gegn Kýpur.
Jóna Guðlaug er alin upp í Þrótti Neskaupstað en spilar nú með Örebro Volley í Svíþjóð. María Rún hefur verið lykilmaður í liði Þróttar síðustu tímabil.
