Toppslagur í körfunni og fríar pylsur á föstudagskvöld
Höttur leikur tvo afar þýðingarmikla leiki við KFÍ frá Ísafirði í 1.
deildinni í körfubolta á föstudag og laugardag. Báðir leikir liðanna á
Íslandsmótinu verða leiknir á Egilsstöðum.
Fyrri leikurinn fer fram á föstudagskvöld kl. 20:00. Frá kl. 19 mun körfuboltadeildin grilla pylsur í íþróttahúsinu og bjóða öllum sem ætla á leikinn að „pulsa“ sig upp.
Seinni leikurinn verður á laugardag kl. 15:00.
KFÍ er í efsta sæti 1. deildar með 14 stig eftir að hafa sigrað í öllum sínum leikjum en Höttur er í öðru sæti með 10 stig eftir fimm sigra og eitt tap. Með sigri í leikjunum getur Höttur haft sætaskipti við KFÍ á toppnum.
