Skólameistari Menntaskólans á Egilsstöðum segir nemendur og kennara við skólann vera að ná tökum á fjarkennslufyrirkomulagi sem komið var á eftir að skólanum var lokað til að hefta útbreiðslu kórónaveirunnar. Úrræði eru í boði fyrir nemendur sem standa höllum fæti.
Þrátt fyrir að framhaldsskólum hafi verið lokað til að hindra útbreiðslu kórónaveirunnar halda nemendur Verkmenntaskóla Austurlands áfram að mæta í tíma samkvæmt stundatöflu. Það gera þeir í gegnum netkennslustofu. Skólameistari segir fyrirkomulagið ganga vel, aðeins sé eftir að finna lausn fyrir félagslífið.
Fjölskyldusvið Fjarðabyggðar í samráði við leikskólastjóra leikskóla Fjarðabyggðar hafa ákveðið ýmsar breytingar á starfi leikskóla í Fjarðabyggð. Þær eru gerðar vegna samkomubanns stjórnvalda og tilmæla um takmarkanir á skólastarfi.
Enn hefur enginn greinst með kórónaveiruna Covid-19 á Austurlandi. Félagsþjónustur sveitarfélaga huga að einangrun aldraðra eftir að samkomubann gekk í gildi í gærmorgun.
Ríkislögreglustjóri og sóttvarnalæknir hafa mælst til þess, í ljósi samkomubanns og óvissuástands vegna útbreiðslu covid-19 veirunnar, að fallið verði frá kosningum í nýju sameinuðu sveitarfélagi á Austurlandi sem halda átti 18. apríl. Nýr kjördagur hefur ekki verið ákveðinn en útlit er fyrir að ekki verði kosið fyrr en í haust.
Í dag mælist mesta úrkoman í Neskaupstað yfir allt landið. Kemur þetta heim og saman við úrkomu síðustu daga en starfsfólk á snjóruðningstækjum hefur vart haft undan við að moka götur og er að heilu dagana að halda götum hreinum í Neskaupstað.
Austfirskir ferðaþjónustuaðilar bíða þess að sjá hver áhrif heimsfaraldurs kórónaveirunnar verða á ferðalög og til hvaða aðgerða íslensk stjórnvöld grípa til að mæta samdrætti í ferðaþjónustu. Þeir vonast enn eftir góðu sumri þótt ljóst sé að lítið verði að gera þangað til.
Framkvæmdastjóri AFLs Starfsgreinafélags segist hafa áhyggjur af stöðu starfsfólks í ferðaþjónustu í þeim efnahagsþrengingum sem verða vegna heimsfaraldurs Covid-19 veirunnar. Sumt starfsfólkið er með húsnæði innifalið í sínum ráðningarsamningum.
Menntaskólinn á Egilsstöðum og Verkmenntaskóli Austurlands hlutu á dögunum jafnlaunavottun. Skólarnir hafa komið sér upp kerfi sem á að tryggja það að greidd verði til dæmis sömu laun fyrir sömu eða jafnverðmæt störf.
Undanfarið hefur gengið slúðursaga að í leikskólanum Eyrarvöllum í Neskaupstað hafi COVID-19 smitaður starfsmaður verið í vinnu. Það er ekki rétt. En til að eyða allri óvissu hefur starfsmaðurinn ákveðið að fara í sjálfskipaða sóttkví.
Starfsmönnum HEF hefur verið skipt upp á nokkrar starfsstöðvar til að tryggja að starfsemi veitna Fljótsdalshéraðs haldist óskert í heimsfaraldri Covid-19 veirunnar. Ekki er talið að veiran smitist með drykkjarvatni.
Fólk er greinilega að undirbúa sig undir það versta þegar kemur að COVID-19 veirunni og hefur í auknum mæli gert stórinnkaup í matvöruverslunum. Netto á Egilsstöðum er þar engin undantekning og hefur starfsfólk orðið vart að fólk hefur verið að hamstra vörur eins og til dæmis klósettpappír.