Verkefnastjóri flugmála hjá Austurbrú segir það jákvæða þróun að hafið sé beint flug milli Akureyrar og Keflavíkur í tengslum við millilandaflug. Það sé bæði hentugt fyrir íbúa og stuðli að dreifingu ferðamanna.
Víkingur AK kom til Vopnafjarðar um klukkan hálf níu í gærkvöldi eftir að hafa fengið loðnunótina í aftari hliðarskrúfuna. Veiði á loðnumiðunum gengur vel og fiskurinn lítur vel út.
Vegagerðin hefur boðað lokanir á austfirskum vegum frá klukkan fjögur og fram á kvöld vegna afleitrar veðurspár. Veðurfræðingur segir Austfirðinga sunnan Vopnafjarðar, sleppa betur en aðra landsmenn við hvassviðrið.
Tvö rannsóknarskip og tvö fiskiskip, bæði frá Austurlandi, taka nú þátt í togararalli Hafrannsóknarstofnunar. Verkefnið hefur verið gert á sambærilegan hátt á hverju ári frá 1985.
Lögreglumenn voru sendir austur með leiguflugi til að handtaka Albert Klahn Skaftason, einn þeirra sem síðar var dæmdur fyrir morðið á Guðmundi Einarssyni, eftir að Sýslumaðurinn á Seyðisfirði neitaði að gera það. Endurupptökunefnd úrskurðaði í dag að mál Alberts skyldi tekið upp á ný.
Í kvöld verður haldinn opinn umræðufundur um framtíðarmöguleika Hússtjórnarskólans á Hallormsstað, námsleiðir og ímynd hans í samfélaginu. Hvatinn að baki fundinum er að ekki sóttu nógu margir nemendur um nám þar á vorönn til að halda uppi námi.
Austfirsk fiskiðjuver eru að komast á fulla ferð eftir að verkfalli sjómanna lauk á sunnudagskvöld. Löndunarmenn hafa varla undan að þjónusta skipin sem streyma til hafnar.
Verkefnið „Lifðu betur“ var eitt af þeim sem fengu hæsta styrkinn þegar úthlutað var úr Uppbyggingarsjóði Austurlands nýverið. Tveir frumkvöðlar á Norðfirði standa á bak við verkefnið sem gengur út á að þróa fjargeðheilbrigðisþjónustu.
Oddviti Vopnafjarðarhrepps segir að rætt verði við íbúa í nágrenni fyrirhugaðs strandblakvallar áður en haldið verið áfram með framkvæmdirnar. Tækniatriði varð til þess að úrskurðarnefnd umhverfis- og auðlindamál ógilti framkvæmdina.
Von er á að fyrsta uppskeran af wasabi-plöntum, sem ræktaðar eru í gróðurhúsi Barra við Fellabæ, verði tilbúin í byrjun sumars. Um er að ræða einu ræktunina á Norðurlöndum.
Fjölmargir viðskiptavinir Fellabakarís eru óánægðir með flatbrauð fyrirtækisins sem þeir segja eiga það til að bera málningarbragð. Bakaríið heitir úrbótum og sárabótum handa þeim sem fá skemmt brauð.