Verkfallsaðgerðir Starfgreinasambandsins hófust kl. 12 í dag og hafa um 10.000 manns lagt niður vinnu. Verkfallið mun standa yfir í hálfan sólarhring, frá hádegi til miðnættis. Eftir það taka við regluleg sólarhringsverkföll þar til ótímabundið verkfall hefst 26. maí.
Íbúar, sem tóku til máls á íbúafundi á Reyðarfirði þar sem kynnt var skýrsla KPMG um mögulegar hagræðingaraðgerðir í rekstri sveitarfélagsins Fjarðabyggðar, virtust efins um hugmyndir um að selja veitustofnanir sveitarfélagsins. Sérfræðingur segir menn þurfa að bera saman haginn af því að fá sölutekjur strax eða virði í framtíðinni í formi arðs.
Heilbrigðisnefnd Austurlands hefur hafnað erindi um að selja gistingu í húsnæði sem áður tilheyrði Alþýðuskólanum á Eiðum. Fráveitumál teljast ekki í ásættanlegu ástandi.
Ráðgjafasvið KPMG leggur til að farin verði blönduð leið sölu eigna og hagræðingar hjá Fjarðabyggð til að létta skuldsetningu A-hluta sveitarsjóðs. Afborganir af lánum nema þar að meðaltali 600 milljónum króna á næstu árum.
Ekki verða breytingar á rekstri bankaútibúa á Breiðdalsvík og Djúpavogi þrátt fyrir að Landsbankinn hafi yfirtekið Sparisjóð Vestmannaeyja sem var þar áður með afgreiðslur.
„Nú þegar snjalltækin hafa snarbreytt fjarskiptanotkun margra geta nýjar þjónustuleiðir hentað mun betur en þær gömlu,“ segir Þorsteinn Jón Bjarkason sem er á leiðinni til Egilsstaða. 
Landshlutasamtök sveitarfélaganna hafa áhyggjur af því að ekki sé veitt meira fjármagni í samgöngur í áætlun fyrir árin 2014-2018 en raun ber vitni. Innanríkisráðherra lagði áætlunina fram á ríkisstjórnarfundi í síðustu viku.
Gangagreftri í Fannardal er nú lokið en sprengjan þeim megin var sprengd í gær. Alls hafa verið grafnir út 3.026 metrar af göngunum Norðfjarðarmegin, eða rétt um 40% af heildarlengd ganganna.
Sýnilegustu áhrif hálfs dags verkfalls verkafólks á félagssvæði AFLs á morgun verða að líkindum á veitinga- og gististaðir. Formaður félagsins segist ekki bera miklar væntingar til samningafundar í fyrramálið.
Formaður Stjórnendafélags Austurlands segir ekkert hæft í ásökunum AFLs starfsgreinafélags um að 40 nýir félagsmenn hafi gengið í Stjórnendafélagið á aðalfundi þess um helgina til að grafa undan kjarabaráttu verkalýðshreyfingarinnar.
Takmarkaður jarðvegur fyrir sameiningar skólastofnana í Fjarðabyggð. Þær hugmyndur um þær sem komið hafi fram hafi mælst illa fyrir og eyða þurfi tortryggni bæði millibyggðarlaga og einstakra skólastiga til að þær geti gengið eftir. Byrja þarf á að eyða tortryggninni og vanda undirbúning ef þær eiga að ganga eftir.
Hlutur Síldarvinnslunnar í nýafstaðinni loðnuvertíð var töluvert hærri en í fyrra.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.