Framsóknarmenn í vígahug
Í nýjasta tölublaði fréttabréfs Framsóknarflokksins kemur fram að Framsóknarfélag Héraðs og Borgarfjarðar stendur nú í ströngu við undirbúning glæsilegs framsóknarteits sem haldið verður þann 11. janúar n.k. eða á föstudaginn í næstu viku. 
Enn er undirbúningi haldið leyndum en ljóst að mikið verður lagt í gleðina og í fréttbréfi Framsóknar eru allir sem vettlingi geta valdið hvattir til að taka daginn frá í fyrsta lagi og að láta svo sjá sig í góðra vina hópi og fagna nýju ári, sem framsóknarmenn segjast ætla að nýta vel til að efla starf sitt.
