Austfirskir söngvarar sungu inn jólin – Myndir
Fimm austfirskir söngvarar stóðu í gærkvöldi fyrir tónleikum í Sláturhúsinu á Egilsstöðum þar sem þeir sungu nokkur af sínum uppáhalds jólalögum.Söngvararnir voru Aldís Fjóla Ásgeirsdóttir, Árni Friðriksson, Margrét Dögg Guðgeirsdóttir, Nanna Imsland og Unnar Geir Unnarsson. Undir spilaði gítarleikarinn Friðrik Jónsson.
Hver söngvari valdi sér þrjú lög og söng þau ýmist einn eða með stuðningi annarra. Þannig var til dæmis boðið upp á dúetta í Litla trommuleikaranum og Baby it's Cold Outside og hópsöng í Nóttin var sú ágæt ein.
Hópurinn kemur svo aftur fram í Álfakaffi á Borgarfirði i kvöld.
