Heimamenn styðja Guðmund Ragnar í forsetaframboð
Um Eskifjarðarbæ gengur nú út um allt undirskriftalisti þar sem beðið er um stuðning við forsetaframboð Guðmundar Ragnars Kristjánssonar frá Eskifirði. Austurglugginn hefur þær fréttir að þegar hafi um 70 undirskriftir safnast og að heimamenn séu auðfúsir að sýna framboði Guðmundar stuðning.
Þegar að fréttamaður náði sambandi við Guðmund og spurði hann um ástæður forsetaframboðsins hafði hann lítið að segja. “Þetta er einhver fíflagangur. Ég þarf að hefna mín á þessum mönnum. Ég held ég sé heldur ekki nógu gamall, ég er bara 33 ára. Það er alveg bókað ég er ekki að fara að bjóða mig fram. Ég þakka samt sýndan stuðning.” Segir Guðmundur sem telur líklegt að þarna séu ferðinni svokallaðir vinir sínir með einhvern hrekk á ferðinni.
