Jólatré með karakter á Vopnafirði
Sú skemmtilega hefð hefur skapast á Vopnafirði að elsku börn leikskólans Brekkubæs sækja jólatré í Oddnýjarlund á hverri aðventu ásamt kennrunum sínum.Elsa Möller segir sjálfbæra hugsun ríkja á bak við ferðina.
„Það er ekki endilega fallegasta tréð sem verður fyrir valinu, frekar þau sem grisja þarf út – við köllum þau „tré með karakter".
Börnin taka þátt í öllu ferlinu, velja tréð, saga það niður, flytja það heim, setja það í fótinn og skreyta svo fyrir jólaballið.
Til þess að ganga svo ekki um of á „höfuðstólinn" förum við aðra ferð með börnin að sumri þar sem hvert barn gróðursetur sitt tré sem svo verður jólatré tólf til fimmtán árum síðar."
