Alltaf haft gaman af kennslu
Vordís dúxaði á
stúdentsprófi frá Verkmenntaskóla Austurlands í vor þegar hún útskrifaðist með
9,35 í meðaleinkunn. Styrkinn í dag, 300 þúsund og niðurfelling á
innritunargjöldum, hlaut hún meðal annars fyrir góðan námsárangur en hún þurfti
einnig að skila inn meðmælum og ritgerð um framtíðaráform sín.
„Þau hafa breyst
síðan ég var lítil. Þá ætlaði ég að verða bankastjóri,“ segir Vordís. „Ég ákvað
seinna að mennta mig vel í einhverri grein, vinna við hana í 10-15 ár og fara
svo að kenna. Ég hef alltaf haft gaman af kennslu,“ sagði Vordís sem hefur nám í
rafmagnsverkfræði í haust.
Þetta er í fyrsta skipti sem úthlutað er úr sjóðnum en 25 nemendur fengu styrk. „Styrkurinn er rosaleg viðurkenning á maður hafi staðið sig vel. Hann veitir mér líka ákveðið frelsi þar sem ég slepp við námslán,“ sagði Vordís í samtali við Austurgluggann í dag.
