Austurfrétt
Fréttir
Lífið
Íþróttir
Umræðan
Tístið
Veður

Austfirðingur ársins 2018

Höfundur: Gunnar Gunnarsson • Skrifað: 11. janúar 2019.

Ellefu tilnefningar eru til nafnbótarinnar Austfirðings ársins 2018. Kosning er hafin og stendur til miðnættis miðvikudagsins 16. janúar.

Austfirðingar ársins 2018

Árni Róbertsson: Árni og hans fjölskylda hafa í 30 ár rekið búðina Kauptún á Vopnafirði og er að verða einn af síðustu sjálfstæðu kaupmönnunum í landinu. Búðin varð 30 ára í byrjun nóvember og í tilefni dagsins var 30% afsláttur. Það létti brúnina á Vopnfirðingum tveimur dögum eftir uppsagnir HB Granda.
Berglind Eir Ásgeirsdóttir: Berglind Eir rakaði af sér hárið til stuðnings Brakkasamtökunum á Íslandi, en þau hvetja til árvekni gagnvart arfgengi brjóstakrabbameins og vakti athygli á samtökunum í góðgerðaviku Menntaskólans á Egilsstöðum. Móðir Berglindar lést á árinu eftir að hafa greinst með brjóstakrabbamein öðru sinni.
Borja Vicente og Ana Vadal: Spænska blakparið var að baki kvennaliði Þróttar í blaki sem vann alla þá titla sem í boði voru á síðustu leiktíð, Borja sem þjálfari og Vilal sem leikmaður. Þau hafa síðustu ár leitt uppbyggingu nýs liðs í Neskaupstað og komið með margar nýjar áherslur í starfið.
Celia Harrison og Sesselja Hlín Jónasdóttir fyrir endurbætur á félagsheimilinu Herðubreið á Seyðisfirði en þær fengu úthlutað til verksins 30 milljóna styrk úr Framkvæmdasjóði ferðamannastaða. Þær hafa líka verið heilarnir á bakvið hátíðina List í ljósi.
Eyþór Hannesson: Eyþór hefur undanfarin ár safnað saman rusli bæði meðfram vegum og innan þéttbýlis og verið óþreytandi að benda fólki á umgengni við umhverfið. Erfið veikindi settu strik í reikninginn hjá Eyþóri seinni hluta ársins.
Ferðafélag Fljótsdalshéraðs: Félagið hefur vakið athygli á fallegum stöðum og gönguleiðum á Austurlandi með árlegri útgáfu bæklinga um Perlur Fljótsdalshéraðs og Heiðarbýlin í Jökuldals- og Vopnafjarðarheiðum. Á árinu varð félagið fyrsti einkaaðilinn til að ráða landvörð til starfa, á Víknaslóðum og vakti það frumkvæði landsathygli.
Hreinn Halldórsson: Hreinn var í lok árs tekinn inn í Heiðurshöll Íþrótta- og Ólympíusambands Íslands fyrir afrek sín á keppnisferlinum. Hreinn hafði í áratugi yfirumsjón með íþróttamannvirkjum Fljótsdalshéraðs. Hann hefur einnig verið öflugur stuðningsaðili ungra íþróttamanna og ávallt verið boðinn og búinn að gefa ungum kösturum góð ráð.
Íbúar Borgarfjarðareystri sem sýndu frumkvæði og samtakamátt í kjölfar íbúaþings og byrjuðu að steypa veginn um Njarðvíkurskriður. Það setti þrýsting á aðgerðir og vegagerð hófst í lok nóvember. Þá tóku þeir sig saman og komu verslun á fót eftir að engin búð hafði verið í bænum síðasta vetur.
Jón Hilmar Kárason: Jón Hilmar hefur árum saman verið áberandi í tónlistarlífi Austurlands. Jón Hilmar hefur verið sérstaklega ötull í að hvetja ungt tónlistarfólk til dáða, meðal annars með námskeiðshaldi.
Steinar Gunnarsson: Steinar er uppalinn Norðfirðingur og starfaði árum saman þar sem lögreglumaður. Hann þjálfar hunda fyrir lögregluembættin í landinu. Í haust gaf hann lögreglustjóraembættinu á Austurlandi fullþjálfaðan fíkniefnaleitahund en slík gjöf er metin á milljónir króna.
Þráinn Lárusson: Þráinn hefur verið ötull í uppbyggingu ferða- og veitingaþjónustu á Fljótsdalshéraði síðustu ár með Hótel Hallormsstað, Valaskjálf og veitingastaðnum Salt. Á síðasta ári gaf hann Shell-stöðinni á Egilsstöðum andlitslyftingu og opnaði sem amerískan Diner sem vakið hefur athygli langt út fyrir fjórðunginn.

Poll is expired!

HEF - lestur - Viðbót

Austurglugginn

Mest lesið
Mest lesið frá upphafi

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Fréttaflokkar

Fréttir
Göngin
Íþróttir
Lífið
Tístið
Umræðan

Innsent efni

Auglýsingar
Viðburðir
Pistlahöfundar
Fréttaskot

Austurfrétt ehf.

Hafa samband
Um vefinn
Auglýsingar
Fyrirvari
Vildarvinir / styrkja
Áskrift - Austurglugginn

Samfélagsmiðlar

Austurfrétt
Fréttir
Lífið
Íþróttir
Umræðan
Tístið
Veður