Austurfrétt
Fréttir
Lífið
Íþróttir
Umræðan
Tístið
Veður

Austfirðingur ársins 2023

Höfundur: Gunnar Gunnarsson • Skrifað: 01. febrúar 2024.

Sjö tilnefningar eru til nafnbótarinnar Austfirðings ársins 2023. Kosning er hafin og stendur út mánudaginn 5. febrúar.

Austfirðingar ársins 2023

Anna Birna Grímlaugsdóttir, Reyðarfirði. Anna Birna er einstæð móðir með tvö ung börn. Annað þeirra, drengur á fjórða ári, varð fyrir miklum súrefnisskorti í fæðingu og er með fjórlömun. Anna Birna berst með drengnum sínum hvern einasta dag.
Anna Björg Rúnarsdóttir Fjeldsted, Neskaupstað. Anna Björg eignaðist fyrirbura í byrjun síðasta árs. Hún var nýlega komin heim eftir langa fjarveru þegar snjóflóð skall á húsnæði fjölskyldunnar og gerði það óíbúðarhæft. Hún hefur síðan lagt nótt við nýtan dag til að geta flutt inn í það aftur.
Bjarni Þór Haraldsson, Egilsstöðum. Bjarni Þór hefur undanfarin ár verið maðurinn á bakvið rokktónleika með austfirsku tónlistarfólki sem haldnir hafa verið til að styrkja geðheilbrigðismál á Austurlandi. Hann hefur þannig bæði eflt ungt tónlistarfólk og geðrækt í fjórðungnum.
Björgunarsveitin Gerpir, Neskaupstað. Félagar í Gerpi aðstoðuðu íbúa Neskaupstaðar í snjóflóðunum síðasta vetur, bæði við að komast af hamfarasvæðinu en líka í kjölfar þeirra við að flytja mannskap og búnað til og frá svæðinu og síðan sinna hreinsunarstarfi.
Bryndís Fiona Ford, Fljótsdalshéraði, fyrir elju og dugnað við uppbygginu nýs náms í Hallormsstaðaskóla í skapandi sjálfbærni. Háskóli Íslands hefur sýnt náminu áhuga og Hallormsstaðaskóli vinnur að viðurkenningu á sviði háskólanáms.
Guðmundur Höskuldsson, Neskaupstað. Guðmundur var formaður Rótarýklúbbs Neskaupstaðar sem stóð fyrir söfnun fyrir þau sem urðu fyrir tjóni af völdum snjóflóðanna. Söfnunin tókst afskaplega vel. Þá hefur Guðmundur verið ötull í tónlistarlífi Norðfjarðar og gaf út sína fyrstu sólóplötu í fyrra.
Þeir íbúar í Neskaupstað sem lentu í snjóflóðunum og viðbragðsaðilar fyrir aðgerðir í kringum flóðin. Elja, dugnaður og æðruleysi einkenndi þau öll sem eitt í orði og verki í þessu gríðarlega erfiða verkefni, sem ýfir upp gömul sár og minningar eftir sögu mannskæðra snjóflóða í samfélaginu.
Ólafur Gunnarsson, Fáskrúðsfirði. Ólafur er gjarnan boðinn og búinn að hjálpa þegar þarf í heimabænum, svo sem dytta að hlutum, moka snjó eða hreinsa upp flugeldarusl eldsnemma að morgni nýársdags.
Sigurður Vilmundur Jónsson, Neskaupstað. Sigurður var fyrstur björgunarfólks á vettvang þegar snjóflóðin féllu í Neskaupstað, enda lentu þau á húsum rétt fyrir ofan heimili hans. Sigurður sinnti fyrstu hjálp, aðstoðaði fólk við að komast út og hljóp milli húsa til að athuga hvort allir væru heilir á húfi.
Stefán Smári Magnússon, Seyðisfirði. Stefán, sem gjarnan er kenndur við æskustöðvar sínar í Loðmundarfirði, hefur um langt skeið barist við ættgengan nýrnasjúkdóm. Hann var með stuttum fyrirvara kallaður í aðgerð í nóvember og fékk þar nýtt nýra. Það virðist ætla að lukkast vel.
Ungmennafélagið Einherji, Vopnafirði. Ungmennafélagið reyndist samnefnari allra Vopnfirðinga þegar erlendur leikmaður félagsins, Violeta Mitul, lést af slysförum aðeins 26 ára gömul. Félagið aðstoðaði að auki fjölskyldu Violetu við útför hennar.

Poll is expired!

HEF - lestur - Viðbót

Austurglugginn

Mest lesið
Mest lesið frá upphafi

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Fréttaflokkar

Fréttir
Göngin
Íþróttir
Lífið
Tístið
Umræðan

Innsent efni

Auglýsingar
Viðburðir
Pistlahöfundar
Fréttaskot

Austurfrétt ehf.

Hafa samband
Um vefinn
Auglýsingar
Fyrirvari
Vildarvinir / styrkja
Áskrift - Austurglugginn

Samfélagsmiðlar

Austurfrétt
Fréttir
Lífið
Íþróttir
Umræðan
Tístið
Veður